Gaurav

Time to post… before they get lost ! : )

Yun bhi hota hai..
Jab junoon mein sukoon hota hai.
Kisi se guftagu mein.. Sab Kuch bhul kar bhi..
Madhoshi bhare hosh ka huzoom hota hai..
Jab Yun hota hai..
Tab pagal mann khud ko khokar bhi..
Khushi se bharpoor hota hai..!!
– Gaurav (19/4/2015)

Kuch pal ki ye guftagu..
Saare din ki thakaan mita deti hai..
Tum maano ya na maano..
Ab is dil ki har ek dhadkan tumhara hi naam leti hai..!!
– Gaurav (1/6/2015)

Log kehte hai ishq laailaaz hota hai..
Humne kisi ke pyaar mein..
Is marz ka bhi ilaaz paa liya..
Mareez bankar hakeem hone ka..
Rutba pa liya..!!
– Gaurav (4/6/2015)

Ye jaani pehchaani raahein bataati hain..
Ki safar mein hi zindagi beeti hamaari..
Manzilo ki talab kisko hai..
Raah mein hi manzil paane ki aadat hamaari..!!
– Gaurav (6/6/2015)

Baat safar ki karo..
Baat Manzilo ki karo..
Raaste khud ba khud nazar aa jayenge..!!
– Gaurav (6/6/2015)

Unki taareef mein likhte nahin kuch..
Ye unko humse hai shikaayat..
Likhne ko to bahut kuch likh dein hum..
Gar unki baaton, unke khyaalon se mil jaaye thodi fursat..!!
– Gaurav (15/6/2015)

Waqt to pehle bhi guzar jaata tha..
Par ab pata nahin kab beet jaata hai..
Humein lagta hai tham sa gaya hai..
Par ye hawa sa ud jaata hai..!!
– Gaurav (4/7/2015)

Kyun pareshaan hai bewajah,
duniya daari soch kar..
Humein parwaah bas aapki,
Sukoon paaya hai aapke ishq mein pad kar..!! 
– Gaurav (21/7/2015)

Tumhari baatein.. Unme chipi shikayatein..
Bahut bhaati hai tumhari shararatein..
Zid, gussa, haq aur beintehaan pyaar..
Dil ko sikhaaye.. Bagawatein..!!
– Gaurav (26/7/2015)

Kisaan se puchaa jaaye to behtar…
Dharti ko sona karne wale masiha..
In dino muaawazo ki aas mein zindagi ganwaa rahe..!!
– Gaurav ( 26/7/2015)